Studietur til Kenya 2012: Dag 3 - Foredrag og middag hos norsk familie

I dag var det slutt på slaraffenlivet, og frukosten kom på bordet klokka 08. Klokka 09 starta dagens første forelesning. Denne handla om Norwegian Church Aid/Kirkens Nødhjelp (NCA) i Aust-Afrika. Paul, ein ansatt i NCA, foreleste for oss om arbeidet som blir gjort i NCA. Hovudområda til denne organisasjonen er Kenya, Somalia og Tanzania. Dei jobbar med ei rekke prosjekt, med sentrale tema som t.d. likestilling og miljøaktivitet.

Etter dette foredraget gjekk turen vidare til Anders Lilleheim sitt kontor, som ligg ved sidan av der vi bur. Han er direktør i Scripture Mission East Africa. Hovudområda for denne organisasjonen er Kenya og Tanzania, men har i tillegg ein del andre prosjekt i Etiopia og Somalia. SM (Scripture Mission) har ei betydelig satsning i misjonærarbeid, og er sentrale i bygging av mellom anna kirker, skular, hus og vannstasjonar.

Etter dette foredraget hadde klokka bikka 14. Vi var blitt bedt på middag hos FN-diplomat Jon-Andreas og kona Nina til kl. 18, men før den tid var det fundamentalt med eit solid lunsjsmåltid. Ein slags lokal lasagne stod på menyen i dag, noko som nok fall i smak for dei fleste! Sjølv om Jon-Andreas og Nina budde like i utkanten av Nairobi, vart det ein relativt lang biltur. Å stå i bilkø ser ut til å være ein av favoritthobbyane til kenyanarar, noko vi allereie har fått erfare desse fyrste dagane her. Vi kan nok også fastslå at rushtrafikken i Nairobi er noko meir heftig enn i Volda. Men når trafikken står stille, nyttar Odd-Ragnar (Oddis) ofte moglegheita til å kjøpe noko frå dei utallege selgarane som står MIDT i vegen. Han rulla ned vinduet då vi stod attmed ein blomsterselgar. Selgaren ville ha 700 kenyanske shilling, men tøff som han er, nekta Odd-Ragnar å betale meir enn 500 shilling. Selgaren måtte gje "tapt", og Odd-Ragnar hadde skaffa ein presang til Nina.

Når vi så like etter blomsterkjøpet stoppa på eit kjøpesenter som tidlegare har blitt kåra til verdas finaste, såg Odd-Ragnar sitt snitt til å oppsøke ein blomsterhandlar for å spørre om prisen på blomsterbuketten han nettopp hadde kjøpt langs vegen. Gleda vart stor då han kunne konkludere med at han hadde gjort eit godt kjøp. Ved dette kjøpesenteret fekk vi også tatt ut pengar i minibanken for første gang. Vi fem studentane tok ut totalt 200 000 ksh (40 000 var maks uttakssum per person), nyskjerrige sjeler får google kva dette betydde i praksis. Også viktig å legge til at minibanken vi tok ut pengar ved, var Standard Chartered. Som alle veit, er dette hovudsponsoren til Liverpool F.C. (Verdas ubestridt beste fotballklubb).

Kjøpesenteret Village Market, kåra til verdas finaste

Då vi endeleg kom fram til vertskapet, vart vi møtt av to hyggelige og imøtekomande vertar (pluss ein overivrig/hyper hund, Charlie). Vi fekk servert nydelig mat og drikke, og avslutta kvelden foran bålet i hagen. Då klokka nærma seg 22, var det på tide å vende snuten heimover. Vi skulle tross alt opp klokka 05.30 dagen derpå! Men for seks A-menneske som oss, er slike tidspunkt null problem. Hakuna Matata!