Dag 15 - Meir safari!

Vi stod opp halv 7 og pakka for å vere klare til avreise. Frukosten vart eten i full fart, for å få mest mogleg ut av føremiddagen. Vi køyrde så inn i nasjonalparken. Her fekk vi nok ein gong mange flotte dyreopplevingar. I det vi køyrde inn i parken, var det mange sebra og gaseller som gjekk og gressa på sletta. Vi køyrde til ei elv, der vi håpte å få sjå flodhest. Då vi var komen fram hit, gjekk vi ut av bilen for å få utsikt over elva. Då såg vi rett ned på ein heil flokk flodhestar! Vi måtte vere stille for ikkje å bli oppdaga. Det var litt vanskeleg å telje dei, men nokon telde at det var tjue stk, kanskje fleire. Der var også små flodhestar. Dessse vart  passa på av dei større, for å verne dei mot åtak frå krokodille. Etter å ha beundra desse dyra ei stund, hoppa vi inn igjen i bilen. Vi køyrde litt lenger oppover elva, og her fekk vi sjå to krokodiller som låg nede ved elvekanten. Dei låg heilt stille, uten å lee på ein muskel.

  

Då vi køyrde inn på sletta igjen, fekk vi nok eit møte med giraff. Denne gangen ei lita famile på tre! Litt seinare på dag såg vi også ein flokk elefantar. Det var mødre med born, og det var ganske spesielt å sjå desse på så nært hald. Vi fekk også nok eit møte med struts og fleire av dei andre dyra vi møtte i går. Godt nøgde med denne føremiddagen, køyrde vi tilbake for å ete lunsj. Etterpå sette vi oss i bilen for å køyre tilbake til Nairobi. Fyrste delen av vegen var ganske humpete, men fleire av oss klarte likevell å sovne. Dette tyder vel på at vi er blitt godt vane med slike vegar no. Reisa gjekk ellers fint, men då vi kom til riftkanten på vegen til Nairobi, var der tidenes lengste kø! Oppover vegen var det trailerar så langt vi kunne sjå. Sjåføren vår, Rufus, fant heldigvis ein annan veg, slik at vi kom oss inn igjen på hovudvegen til Nairobi. I skumringa var vi tilbake på SMCC, og tok kvelden etter ein lang køyretur.

Det kjende akasietreet.

Helsing Kenya-gjengen <3